Inter build
السلام عليكم ورحمة الله وبركاته
معرض الانتربيلد للى يحب يطلعه حيبدأ ان شاء الله من 20/6 لحد 25/6 ...ياريت ياجماعة نقدر نطلعه وأهه يبقى فرصة نتقابل فيها مع بعض برده ... وياريت أى حد يقدر يتفق على الأتوبيسات يقول ونقترح سوا البرنامج بتاع الرحلة دى............
ممكن تشاركواااااااااااااااااااااا بأة فى حاجة .... دى حتة رحلة يعنى مش مشروع ولا شغل
والسلام ختام .... يارب حد يتكلم يا قادرعلى كل شيئ .... ملحوظة عابرة ممكن نغير اسم البلوج لرابعة عمارة ولا حنفضل فى تانية على طول
مساعدة معهد أورام الأطفال
أرجوكم يا جماعة تعالوا نساعد الناس اللى محتاجانا فعلا.... تعالوا نوصل لقلوب الأطفال ونقويهم .... نساعدهم على تحمل ظروفهم اللى عايشينها... ده لينك فيه فايل
audio
عليه تسجيل صوتى لمحمد عجاج اقدم متطوع فى جمعية اصدقاء معهد الاورام و هو شاب من سننا.... اسمعوه وبعدها خدوا قرار بالمشاركة أو عدمها ... بس أرجوكم حاولوا تسمعوه بقلوبكم قبل ودانكم... وجزاكم الله كل خير
http://dl8.ohshare.com/v/7487954/_.rar.html
السلااااااام عليكم ورحمة الله وبركاتهخلصت الدراسة والامتحانات.... وخلصت روحنا معاهم السنة دى..... وبقالنا أسبوع نايمين فى العسل
أنا عن نفسى زهقت جدا... بعد التطبيق وعدم الراحة الى النوم المتواصل... ماتيجى نفكر فى الأجازة دى ونعمل مع بعض حاجة مشتركة ما بينا
حاجة تجمعنا تانى مع بعض ... نشاط صيفى مثلا ... رحلة... فرصة نتكلم فيها مع بعض ونسمع فيها بعض...
أنا ملاحظة ان معظم الناس فى الدفعة للأسف بتتكلم على الناس وتحكم عليها وهيه أصلا ماتعرفهاش أو بمعنى أدق ما اتعاملتش معاها ... طب ماتيجى نفتح ساحة للحوار مابينا وبين بعض نناقش فيها مواضيع... أو نشترك فى عمل خيرى برده مع بعض... أو نعمل ورشة عمل ... ايه رأيكم لو استعنا ببعض المعيدين وكونا ورشة عمل ننزل فيها رحلات ميدانية حتى لو جوه اسكندرية ونعمل مثلا زى اعادة تخطيط لمناطق العشوائيات فى اسكندرية... وتبقى فرصة نعوض فيها اللى فاتنا من التخطيط السنة دى
وممكن فى ورشة العمل دى نفكر فى حاجات تانية تساعدنا فى مشاريع التخرج ... يعنى يبقى جزء منها مثلا اننا نعلم بعض.... مثلا اللى شاطر فى عمل الماكيتات واللى متفوق فى برامج الإظهار أو اللى يعرف برامج جديدة أو حلول سريعة يساعد بيهاغيره........وهكذا
حتى ممكن نعمل مسابقات مابينا وبين بعض فى المجالات دى
هاه ايه رأيكم؟؟ فيه أمل فى التغيير من الصمت والسكون التام ده؟؟؟؟
أتمنى بس تعبرونى وتقولوا اقتراحات انتوا كمان وننفذها فعلا... ومايبقاش الموضوع مجرد بوست واتبعت... وعموما أتمنى أشوفكم على خير قريب ان شاء الله
