Wednesday, November 22, 2006

Keep it up..

"it's important not to relax however far you've reached"
From the Alchemist, Paulo Coelho

posted by Mido @ 8:03 pm 0 comments

مشروع التصميم

التسليم يوم الخميس من 9 إلى 12

ربنا معانا

posted by Mido @ 12:58 pm 0 comments

Tuesday, November 07, 2006

السلام عليكم يا جماعه
انا بصراحه متضايق جدا من حال الدفعة السنه دي سواء من الطلبة او المعيدين او الدكانرة
الدكاترة مطنشينا والمعيدين ملهومش دور الا والله م. زغلول و م. خالد الديب
اما الطلبة فاحنا سكتين علي الي بيحصل ونايمين ومبسوطين من المحاضرات الي مبناخودهاش و الهيصة الي احنا فيها ومش عارفين انها حاتيجي علي دماغنا وربنا يستر
مش عارف انا شايف اننا نتفق محاضرة التخطيط الي جاية محدش يحضر ونشتغل في امتحان الانشاء اولي ونحضر علي الصحي علي طول وياريت نتفق علي كده
وشكرا.............ا

posted by henkesh @ 8:49 pm 1 comments

Monday, November 06, 2006

صيغة الاعتراض " للكاتبة سمر مختار.....[= بتصرّف "

السلام عليكم ورحمة الله
السيد رئيس قسم العمارة \ ا.د.محمد راغب رضوان
نحن دفعة ثالثة عمارة الذين كثيراً ما توسموا خيراً فى أساتذتهم و أكنّوا لهم كل احترام و تقديرعلى مدار أربع سنوات
ولكن عندما يقوم أحد الأساتذة بالمساس بكرامتهم واحترامهم لذاتهم فهذا ما لا يرضونه
وعلى هذا نتقدم لسيدتكم بما فعله بنا دكتور حسام البرومبلي راجين من الله اتخاذ القرارت اللازمة حيال هذه الافعال ...بدءاً من تغيره لموعد المحاضرة الى ميعاد يوم اجازة الدفعة الى ما حدث فى يوم السبت الموافق 4/11 والذى سنشرحه فيما يلى
1-عدم التبليغ بموعد امتحان منتصف الفصل
2-تعهده بانقاص الدرجات من كل من يكتب على ورق مسطر وهو الذى لم يملى اية شروط او تحديدات تخص ورقة الاجابة من قبل ذلك
3-طلبه من كل طالب حاضر ان يكتب اسمه على ورقة فارغة ليفاجئنا بعد تجميعها منا بأنه سيستخدمها ضد اى طالب لا يلتزم بما يطلبه منه
4- توجيه الفاظ غير لائقة بالمدرج الجامعى لجميع الطلبة وتكريرها ،منها
"روح أقف جنب الحيط يابنى"
"وصف الطالب بأنه يعيش فى" حظيرة
تكرار نعت الطلبة بلفظة " راس " فى كام راس فى القاعة يا بشمهندس
ينصحنا بالاستحمام لأن "الناس اشتكت من الريحة
و على هذا نرجو اتخاذ الاجراءات اللازمة حيال هذه الاهانات المباشرة واثقين بأن القسم ستسمو قراراته فوق أى اعتبارات شخصيّة

posted by sarah @ 9:51 pm 1 comments

Sunday, November 05, 2006

مكبّرة الموضوع؟؟!!

السلام عليكم......ازيكم؟ ايه الأخبار؟ يا رب تكونوا بخير
بصوا يا جماعة أنا مش قادرة استحمل أكتر من كده....
أنا مش عارفة ايه اللى بيحصل فينا ده و احنا ساكتين...
من أول الشهر اللى قضيناه ده بدون حصيلة دراسية تذكر-و كأننا نأتى الى الكلية ليلقى الينا كل دكتور ما تيسر من معلوماته العامة دون أى تحضير هذا ان تفضل علينا و حضر أصلا- الى أن انتهت المهزلة بما حدث البارحة---تعالوا نفتكر مع بعض:م
واحد المفروض انه دكتور محترم بيدرس فى جامعة محترمة يبلغ المعيدة بالتليفون بأن ميعاد الامتحان بعد يومين لتبلغ هى بدورها طالبة من الدفعةو التى ليس من مسئوليتها بتاتا أن تبلغ الطلبة... ليعلم من يعلم و يجهل من يجهل _بس استنوا نسيت اقولكوا صحيح...الحاضر يبلغ الغايب...ما أصل احنا فى سوق مش فى جامعة
ليأتى هذا الدكتور فى يوم الامتحان ويتعامل مع الطلبة بمنتهى التعالى -من وجهة نظرى - بل و يزيد على ذلك ما تيسر من ألفاظ و ايماءات فى غاية الاهانة للطالب الذى لم يأتى الى الجامعة الا بهدف تلقى العلم و ليس ليتذلل الى الدكتور أو ليصبر على أذاه...أمثلة الاهانة كثيرة
"أسلوب الكلام ذاته"
"روح أقف جنب الحيط يابنى"
"احنا كده نبقى عايشين فى حظيرة "
" فى كام راس فى القاعة"
وطبعاً احنا عارفين مين اللى بيتعدوا بالراس و بيعيشوا فى حظيرة
ثم بعد ذلك يتفضل "مشكوراً " بنصحنا بالاستحمام لأن "الناس اشتكت من الريحة" ء
أغرب ما فى الموضوع هو أننى وجدت البعض يضحك من الكلام و كأن الاهانة لا تخصه !!! والأغرب أنى وجدت من يقول لى" أنى مكبرة الموضوع" و اخر يقول " أنها جعجعة على الفاضى و لن تفضى الى شىء "و"ليه تاخدى الكلام على نفسك؟" و اخرون و اخرون
لاأدرى .....هل فقد الناس عزة أنفسهم ؟ أم هم لا يدرون كيف يعامَل الانسان ؟ و كيف أن الله اختصّه بالعزّة دون سائر المخلوقات ؟
أتظنون أن الله قد وهبنا اياها لنأتى الان و نرضى باهانتنا من دكتور من أجل الدرجات أو "تكبير الدماغ" أو أى سبب اخر؟
هل تروننى فعلاً "مكبرة الموضوع" ؟
معلش...عارفة ان الكلام مش مترتب بس حبيت أقولكم اللى جوايا...
عامةً عن نفسى مش هارضى الاهانة مادمت أمة العزيز...والموافق على الاعتراض فليتفضًل برفع يده "واللا لسّة خايف ترفع ايدك؟"؟

posted by sarah @ 8:32 pm 8 comments

Creative Commons License
This work is licensed under a Creative Commons Attribution-NonCommercial-NoDerivs 2.5 License.