مكبّرة الموضوع؟؟!!
السلام عليكم......ازيكم؟ ايه الأخبار؟ يا رب تكونوا بخير
بصوا يا جماعة أنا مش قادرة استحمل أكتر من كده....
أنا مش عارفة ايه اللى بيحصل فينا ده و احنا ساكتين...
من أول الشهر اللى قضيناه ده بدون حصيلة دراسية تذكر-و كأننا نأتى الى الكلية ليلقى الينا كل دكتور ما تيسر من معلوماته العامة دون أى تحضير هذا ان تفضل علينا و حضر أصلا- الى أن انتهت المهزلة بما حدث البارحة---تعالوا نفتكر مع بعض:م
واحد المفروض انه دكتور محترم بيدرس فى جامعة محترمة يبلغ المعيدة بالتليفون بأن ميعاد الامتحان بعد يومين لتبلغ هى بدورها طالبة من الدفعةو التى ليس من مسئوليتها بتاتا أن تبلغ الطلبة... ليعلم من يعلم و يجهل من يجهل _بس استنوا نسيت اقولكوا صحيح...الحاضر يبلغ الغايب...ما أصل احنا فى سوق مش فى جامعة
ليأتى هذا الدكتور فى يوم الامتحان ويتعامل مع الطلبة بمنتهى التعالى -من وجهة نظرى - بل و يزيد على ذلك ما تيسر من ألفاظ و ايماءات فى غاية الاهانة للطالب الذى لم يأتى الى الجامعة الا بهدف تلقى العلم و ليس ليتذلل الى الدكتور أو ليصبر على أذاه...أمثلة الاهانة كثيرة
"أسلوب الكلام ذاته"
"روح أقف جنب الحيط يابنى"
"احنا كده نبقى عايشين فى حظيرة "
" فى كام راس فى القاعة"
وطبعاً احنا عارفين مين اللى بيتعدوا بالراس و بيعيشوا فى حظيرة
ثم بعد ذلك يتفضل "مشكوراً " بنصحنا بالاستحمام لأن "الناس اشتكت من الريحة" ء
أغرب ما فى الموضوع هو أننى وجدت البعض يضحك من الكلام و كأن الاهانة لا تخصه !!! والأغرب أنى وجدت من يقول لى" أنى مكبرة الموضوع" و اخر يقول " أنها جعجعة على الفاضى و لن تفضى الى شىء "و"ليه تاخدى الكلام على نفسك؟" و اخرون و اخرون
لاأدرى .....هل فقد الناس عزة أنفسهم ؟ أم هم لا يدرون كيف يعامَل الانسان ؟ و كيف أن الله اختصّه بالعزّة دون سائر المخلوقات ؟
أتظنون أن الله قد وهبنا اياها لنأتى الان و نرضى باهانتنا من دكتور من أجل الدرجات أو "تكبير الدماغ" أو أى سبب اخر؟
هل تروننى فعلاً "مكبرة الموضوع" ؟
معلش...عارفة ان الكلام مش مترتب بس حبيت أقولكم اللى جوايا...
عامةً عن نفسى مش هارضى الاهانة مادمت أمة العزيز...والموافق على الاعتراض فليتفضًل برفع يده "واللا لسّة خايف ترفع ايدك؟"؟
posted by sarah @ 8:32 pm
8 Comments:
howa aslan mesh byedy mada 3elmeya 3edla, ay haga rabena beykrmo beeha w howa dakhel el qa3a keda.
bas 3ayz as2lek haga, shakl el e3trad eih, w motsawera meen 7ayegeeblna 7a2na, el edara?? ne7awel 3la el 3omom
ekteby elly enty 3ayzah fe war2a w ne3tred
Akeed mesh 2asdo keda, w ba3din yesa2t meen ya3ni, dof3a b 7alha ezay.
لو سمحتم يا جماعة عايزة أقول رأى خاص ....بس من غير زعل
احنا ليه بنمسك فى الحاجةالفرعية وسايبين الحاجات الكتير اللى بتحصل واللى برده بتعتبر إهانات ..زى مثلا اهمالهم لينا وعدم حضورهم المحاضرات فى مواعيدهم رغم اننا بنيجى (وبنتنشر بالساعات)وفى الآخر يقولوا لنا لأ مافيش حاجة النهاردة!!!
كام مرة لحد دلوقتى بنستنى ونيجى للتصميم وما أخدناش؟؟وكام مرة بنستنى الصحى وما أخدناش ؟؟وكام مرة استنينا فيها التخطيط وفى الآخر برده ما أخدناش؟؟ولا يعنى عشان موادأساسية وما نقدرش نفتح فيها(بقنا)...عندكم مثلا اللى حصل النهاردة
ما أخدناش محاضرةالتصميم ولما بنسأل البشمهندس يقولنا انه قال لمجموعة من الدفعة الصبح ان النهاردة مافيش حاجة...ولما أسأل ناس منهم يقولوا انه ما قالش كده أو ماكنش ده المعنى المقصود رغم ان ده كان وقت مهم أوى لناس كتير انها تمشى فيه وتيجى على الإمتحان..والمرة اللى فاتت فى التصميم برده لما الدكتور قال انه كان قايل للمعيدين اننا نمشى من بدرى ليه ده ما إعتبرناهوش إهمال أو تقصير أو حتى عدم إهتمام منهم لينا
دى مش إهانة
!!
ولا احنا بنتشطر بس على اللى بيفتح بقه معانا بصراحة..واللى مادته عليها فى ال|آخر50 درجة
من فضلك يا سارة ماتقدميش أى شكوى بإسمك لوحدك لازم يكون فيه ناس ماضية معاكى أو تكتبيها بإسم الدفعة
أنا آسفة يا جماعة بس أنا حبيت أوضح وجهة نظرى بصراحة شوية..وعلى فكرة هيه مش روح إنهزامية ولا تقبل للإهانة بس بيتهيألى انى حبيت أوضح الصورة كاملة اننا حتى فى الشكاوى مع ناس وناس....مع العلم انى متأكده ان مافيش حاجة حتحصل فى الآخر
الغاء المحاضرات و فقر المادة العلمية ده شىء نوّهت عنه فى بداية البوست...
لم أرِِِِِِِِِد التركيزعليه لأن باسنت ذكرته فى بوست سابق..
ما أحزننى فى تعليقك
هو"ولا احنا بنتشطر بس على اللى بيفتح بقه معانا بصراحة..واللى
مادته عليها فى ال|آخر50درجة
أتعتقدين فعلاَ أن ما قاله هذا الدكتور عنّا هو"الصراحة"؟
و هل المسألة مسألة درجات أم مسألة مادة علمية يجب الاستفادة منها بغض النظر عن الدرجات؟
و مسألة احترام و تقدير للذات والتى -فى رأيى- فى تضائل مستمر عند البعض؟
أحترم اختلافك و الاختلاف فى الرأى لا يفسد للود قضية...;]
the last comment was for mona ...
samiora...sorry for the font but that was the normal font size of our blog...i didn't want to use the large one in order not to occupate a large space and also to leave space for "less is more" post as i really liked it...
mabrouk y 3alia awwel marra kalam.....bs gamda di نكبر دماغنا فى الاهانات والدراسه يبقى جايين نعمل ايه؟؟؟؟؟؟؟؟؟
mido...msh mohem meen yegbly ha2y ...ana wathqa en ennas lw ma2edretsh tegbhooly ...rabbena haygbhooly
el mohem en kl wa7d ye3raf ha2o w mayfarratsh feeh...w kaman y3rf 72oo2 w 7dood elli 2odamoh 3lashan ma yezlemhomsh
لأ أنا ما قصدتش ياسارة ان الصراحة دى معناها ان كلامه علينا صح...لكن قصدت انه لما كلمنا كلمنا فى وشنا بمعنى اللى عندكم اعملوه..لكن اللى بيحصل غير كده وفى مواد تانية ده اسمه تطنيش وإهانات ومش مهم احنا من الأساس يعنى حتى ما فيش توجيه لأى كلام لو كنتى فاهمة قصدى
وعموما هوه فى الآخر كله سواء
أما بالنسبة لموضوع الدرجات فأنا فعلا أقصده لإن مثلا ماحدش اتكلم مع دكتور هشام على مادته اللى مابيحضرهاش ...إشمعنى بأة
ولا مع المعيدين علشان مش بيبلغونا عن إلغاء المحاضرات ...ده بس على سبيل المثال ولا الحصر
Post a Comment
<< Home