Monday, June 11, 2007

السلااااااام عليكم ورحمة الله وبركاته
خلصت الدراسة والامتحانات.... وخلصت روحنا معاهم السنة دى..... وبقالنا أسبوع نايمين فى العسل
أنا عن نفسى زهقت جدا... بعد التطبيق وعدم الراحة الى النوم المتواصل... ماتيجى نفكر فى الأجازة دى ونعمل مع بعض حاجة مشتركة ما بينا
حاجة تجمعنا تانى مع بعض ... نشاط صيفى مثلا ... رحلة... فرصة نتكلم فيها مع بعض ونسمع فيها بعض...
أنا ملاحظة ان معظم الناس فى الدفعة للأسف بتتكلم على الناس وتحكم عليها وهيه أصلا ماتعرفهاش أو بمعنى أدق ما اتعاملتش معاها ... طب ماتيجى نفتح ساحة للحوار مابينا وبين بعض نناقش فيها مواضيع... أو نشترك فى عمل خيرى برده مع بعض... أو نعمل ورشة عمل ... ايه رأيكم لو استعنا ببعض المعيدين وكونا ورشة عمل ننزل فيها رحلات ميدانية حتى لو جوه اسكندرية ونعمل مثلا زى اعادة تخطيط لمناطق العشوائيات فى اسكندرية... وتبقى فرصة نعوض فيها اللى فاتنا من التخطيط السنة دى
وممكن فى ورشة العمل دى نفكر فى حاجات تانية تساعدنا فى مشاريع التخرج ... يعنى يبقى جزء منها مثلا اننا نعلم بعض.... مثلا اللى شاطر فى عمل الماكيتات واللى متفوق فى برامج الإظهار أو اللى يعرف برامج جديدة أو حلول سريعة يساعد بيهاغيره........وهكذا
حتى ممكن نعمل مسابقات مابينا وبين بعض فى المجالات دى
هاه ايه رأيكم؟؟ فيه أمل فى التغيير من الصمت والسكون التام ده؟؟؟؟
أتمنى بس تعبرونى وتقولوا اقتراحات انتوا كمان وننفذها فعلا... ومايبقاش الموضوع مجرد بوست واتبعت... وعموما أتمنى أشوفكم على خير قريب ان شاء الله

6 Comments:

At 1:21 pm, Blogger mona said...

يا جماااااااااعة أرجوكم حد يعبر البلوج ده والبوست ده....بلاش النوووم ده

 
At 7:18 pm, Blogger ILRSM said...

Monaaaa :)
ana m3aki :)
we mosta3eda sharek fe ay 7aga tefara7 atfal aw tesa3ed nas :)
thx 4 being posetive we wala yehemek :) ebda2i 2ouli we hatla2ee rabena ba3atlena nas yeshta3'alo :)
go ahead :)
Mary

 
At 11:05 pm, Blogger mona said...

ربنا يخليكى يا مارى ... رفعتى روحى المعنوية بعد ماكانت فى الأرض.... أنا بأقول اننا ممكن نبدأ بموضوع ورشة العمل دى..حتساعدنانقرب من بعض أكتر ومن جواها نبدأ نفكر فى كل الأعمال سواء خيرية أو غيرها... المهم المشاركات ... وأرجوكم قولوا رأيكم وحطوا اقتراحات ... وبرده ماقولتليش رأيك فى اعادة تخطيط عشوائيات اسكندرية
بلغوا أصحابكم يا جماعة ... واتحركوا شوية

 
At 6:14 pm, Blogger ILRSM said...

mmm
about e3adet takhteet el 3ashwa2eyat , i think hano2a3 fe nafs moshklet el takhteet fel koleya we heya enena 3ayzeen neb2a benshta3'al fe 7aga waqe3eya shwaya , ya3ni 7aga ne2dar netwar feeha fe3lan mesh mogarad khtout 3ala shafafat and that's it !
bas ana mwaf2a 3ala mabda2 warshet el 3amal as a start
bas lesa 3ayza afakar fe mawdou3 yeb2a monaseb we fe nafs el wa2t yeshed el nas enaha teegy

 
At 8:56 pm, Blogger mona said...

ممكن نبدأ بموضوع رحلة الانتربيلد؟؟
اللى عليز يشارك فيها يقول واللى يقدر يتفق مع الأتوبيس كمان .... ممكن؟

 
At 2:25 am, Blogger mai_sobhy said...

mona ana awl mara ashof el blog aslan we 3ayza ab2a m3aki fi mosa3adt elatfal we n3ml nashat bardo
badl elmalal da.
we fekret elwarsha di 7lwa awy
eb2i ektebi tafasil el mawdo3 beta3 elatfal 3ashan ana begaaaaaaaad 3ayza ashark.
mai sobhy

 

Post a Comment

<< Home

Creative Commons License
This work is licensed under a Creative Commons Attribution-NonCommercial-NoDerivs 2.5 License.