مستشفى الشاطبى بالأسكندرية
السلام عليكم ورحمة الله وبركاته ...... تكملة لموضوع الأطفال أنا عرفت النهاردة مجموعة من الشباب من كليات مختلفة عاملين جروب وبينزلوا لمستشفى الشاطبى لأورام الأطفال وبيزوروا الأطفال وبيقعدوا معاهم فى أيام محددة من أيام الأسبوع .... الحقيقة ده كل اللى قدرت أعرفه عنهم بس اللى حابب انه يشترك معاهم أو حتى يشوفهم بيعملوا ايه ده اللينك بتاعهم على النت ممكن تدخلوا تشوفوا بنفسكم
http://groups.yahoo.com/group/raya_family/
تكملة مشروع معهد أورام الأطفال
الحمدلله رب العالمين ... نظرا لانى لقيت من دفعتنا ناس كتير اتحمست لموضوع زيارات الأطفال اللى فى معهد أورام الأطفال .... انا حأبعت لكم اللينك اللى عليه الصور من الزيارة الأولى اللى عملوها وطرق المساعدة لو حبيتم المشاركة كمان
أما بالنسبة للى مش حيقدر يسافر القاهرة (زيى كده بالظبط) فى الزيارات اللى حتتم هناك بإذن الله ممكن احنا هنا فى الأسكندرية ندور على أماكن مشابهة ونساعد فيها الأطفال اللى هنا ونسعدهم ونكسب كمان ثواب ورضا من ربنا ... أحب أسمع مقترحاتكم عن الأماكن دى وايه اللى ممكن نعمله فيها
وماتنسوش أهم حاجة النية ... علشان نكسب حسنات على أد مانقدر ان شاء الله ... وأعانكم الله على الخير ان شاء الله
دعوة للحفاظ على البيئة
فى إطار نشاطات مكتبة الأسكندرية ... توجد مجموعات للعمل على الحفاظ على البيئة ومواردها ... تقوم مجموعات العمل بالتفكير فى المشاكل التى نواجهها فى الحياة اليومية فى بيئتنا وإيجاد حلول لها... مثلا المياه المستهلكة من الحنفيات والتى نفقد منها الكثير والكثير نتيجة عدم إحكام غلق الحنفيات أو المشاكل فيها .. يمكن التفكير فى حل تلك المشكلة بإستغلال تلك المياه وتخزينها وإعادة استخدامها بشكل أفضل ... وهكذا
كل مجموعة عمل تختار مشروع لها تعرض فيه المشكلة وحلها على شكل ندوات فى مكتبة الأسكندرية يحضرها مجموعات مختلفة من جميع أنحاء البلاد العربية يتم فيها تقييم تلك المشاريع اختيار أفضلها
الموضوع مش ممل خالص بالعكس لذيذ جدا ... لأننا بنقدم خدمات لمجتمعنا وبيئتنا وبنحاول نحافظ عليه ... بمعنى أدق بنكون إيجابيين شوية على نطاق ضيق .... وكل واحد بيتعب بيلاقى نتيجة تعبه وماتنسوش اننا حنسأل قدام ربنا ان شاء الله عن العمر فيم أفنيناه ... لازم كل واحد يفكر ايه اللى ممكن يقدمه فى حياته لغيره مش لنفسه وبس...
اللى يحب يمشى فى الإتجاه ده وحاسس انه يقدر يفيد ممكن يشترك معانا فيه وفيه على فكرة مجموعة كبيرة من كليتنا فى أقسام كتير شغالة فيه فعلا ... وبداية الإجتماعات كانت النهردة بس للأسف ماكنتش لسه لحقت أقول لكم بس فيه اجتماع تانى فى الكلية يوم الأربعاء اللى جاى ان شاء الله بعد الوورك شوب اللى شغالة على الساعة 3 ان ماكانش فيه تغيير فى المواعيد..... من المعيدين اللى شغالين فى الموضوع ده .. بشمهندس محمود عبد الواحد و بشمهندس شريف فرج .. اللى يحب يسأل يكلمهم ... س ماتقولوش انى أنا اللى قولت أحسن أنضرب
معلش طولت عليكم .... يللا سلاااااام واتمنى لكم أجازة مثمرة
eh ahli seeed el kol
ahly ahlyyyyyyyyyyyy ouh ouh a7eb awgeh da3waaa l kol el zamalkawia 7'sosaaaan nour w samira w ahmed ibrahim 3ashan yrou7o ytfarago 3al kas fel nadi el ahli
