حأحكيلكم حكاية بيتهيألى ظريفة
الست أم كلثوم كان عندها كلب ونوعه فوكس رومى (أو ده اللى فهمته). وفى يوم الكلب ده عض شخص ماشى فى الشارع اسمه اسماعيل واتعمل محضر .
لأمش علشان أم كلثوم ده علشان اسماعيل لأنه خلى الكلب يثور ويخرج عن أدبه ويعضه .....والمسكين دفع غرامة للكلب!!!!! دى كانت الحكاية من وجهة نظر الشاعر أحمد فؤاد نجم زى مابيقول فى قصيدة اسمها (كلب الست) بتقول
فى الزمالك من سنين وف حما النيل القديم
قصر من عصر اليمين ملك واحدة من الحريم
صيتها اكتر م الادان يسمعوه المسلمين
والتتر والتركمان والهنود والمنبوذين
تعمل ايه الست جابت
فوكس رومي وله ودان
فوكس دا عقبال املتك عنده دستة خدامين
يعنى مش موجود فى عيلتك
شخص زيه يا اسماعين
واسماعين دا يبقى واحد م الجماعة التعبانين
اللي داخوا فى المعاهد والمدارس من سنين
حب يعمل واد فكاكة يمشي حبة فى الزمالك
لمحه فوكس من الحديد
قال دا صيد سهل حلال
هب نط فى كرشه دوغري جاب بيجامته لحد ديلها
اسماعين اكل الطريحه
راحو قسم الشرطه طبعا والنيابه كفيله بيهم
واترموا فى الحجز جمعا لما ييجي الدور عليهم
الشاويش قال :غور بدمك راح تعوصنى وفوق قفاه كف طرقع
تفتكر يفضل سي سمعه قد ايه فى القسم نايم ؟استضافه الحجز جمعه يا بلاش ادي العزايم
قال: يا عالم يا شاويش يا نيابه يامسئولين
خلصوه بعد المناهده جثه من جحر الديابه
هى يمكن ساعه واحده كان فى مكتب النيابه قال له مالك يااسماعين
والشاويش قعد يغنى( انت فين والكلب فين )
انت قدة يا اسماعين طب دا كلب الست يا ابني وانت تطلع ابن مين؟؟
بشري لصحاب الديول واللى له اربع رجول
للى صاحبه يا جماعه له غناوي فى الاذاعه راح يدوس فوق الغلابه والنيابه .. بالبتاعه
على فكرة أنا اختصرت منها كتير قوى بس علشان ماتقولوش انها طويلة
يارب تكون عجبتكم وياريت تقولوا لى رأيكم فيها
posted by MoNaAa @ 12:36 pm
9 Comments:
جميلة جدا يا منى و حلوة جدا وعلى الرغم من كده بتوجع جدا لأنها بتفكرنا ده لو كنا نسينا بحال بلدنا
لو الحكاية ديه بجد
فأنا زعلت أوي
حلوة يا منى رغم ان احداثها مش كويسة خالص و قد ايه الظلم وحش و البنى ادم رخيص هنا... كنت فاكرة بجد ان ده فى الافلام بس و ده مش بيحصل فى الحقيقة.........بس ميرسى يا منى على انك تقوليها
انا نسيت اقول حاجة ...ليه الشاعر ده يأخد من القصة دى قصيده له؟
قصده السخرية
ولا التعجب و يوضح لنا الصورة و انه اتأثر باللى حصل
اصله ياما لسه حيشوف
ya gama3a ana nefsy a3raf e7na emta 7an2ool
LAAAAAA22222
أحمد فؤاد نجم شاعر ساخر بطبعه
سخر من كل شيئ فى مجتمعه(من الثورة وعبد الناصر ومن السادات) حتى انه دخل المعتقل بسبب كلامه اللاذع وأشعاره الساخرة من النظام
وتلك القصيدة ماهى الا نموذج من أشعاره الخفيفة التى ينتقد بها أحوال بلده (الواسطةوالمحسوبية)ومازال حتى الآن أحمد فؤاد نجم يسرد حكاياته بأشعاره
رغم الحكاية من زمان ركنها كل يوم في بلدنا دلوقت هنقول إيه بس بجد الله عليكي يا منى عضو فعال
han2ol la2 lama
lamma amooooot
Post a Comment
<< Home