اول اضحيه فى عيد الاضحى
سيبكم من الكليه ومن الى بيحصل فى الكليه و من كل الكلام الى على مستوى صغير اليكم البيان التالى : نجحت القوات الامريكيه والرئيس الامريكى فى ازلال جميع العرب عامه والمسلمين بوجه خاص بعد اعدام الرئيس صدام حسين فى اول ايام عيد الاضحى ليكون اول اضحيه يقدمها الامريكان للمسلمين بل بعد صاله الفجر لتؤكد على مدى الهوان والزل الذى وصل اليه الوطن العربى والعبره لمن لم يعتبر
بالرغم من ان صدام عمل جرائم كتير وقتل ناس وشرد ناس بس انا شايف انه عربى ومسلم وكان من حقه ان يحاكم كاسير حرب او حتى ان يعامل بعد موته بطريقه مشرفه بعد تنفيذ القصاص وحد الله فيه. مثل منع عرض صورته بعد اعدامه الاعتراض ولو حتى بالحداد او الدعاء له بالرحمه ليس فقط الاعتراض على قتله فى اول ايام العيد نسأل الله ان يرحمه ويرحمنا وان يحررويفك أسر مصر والاردن ولبنان والامرات والكويت والسعوديه وبلدان المغرب العربى من الاحتلال لكى نستطيع تحرير الاقصى والعراق بأن الله والله ولى الصابرين
posted by salouha @ 6:39 am
1 Comments:
بافرح أوى...
لما أعرف ان لسّة فى ناس بتفكّر فى تحرير العراق و فلسطين
و تحرير نفسنا الأول طبعاً من الاحتلال اللى احنا عايشينه سواء داخلى أو خارجى أو حتى ذاتى -يعنى قصدى الانسان اللى محتل نفسه-
كنت فاكرة أن خلاص ما بقاش فى ناس عايزة تحارب هنا و ان كل الناس سلمت بالأمر الواقع فى فلسطين والعراق و كل اللى بيحصل فى المنطقة عامةً
و خلاص ما بقاش حيلتهم غير الكلام المكرر اللى بنسمعه فى التلفاز اللى هما أصلاَ بيقولوه من غير روح ولاحتى احساس به...روتين...واجب روتينى يؤديه كضيف فى برنامج سياسى و كلام بيقوله وهو بطّل يحسّ به منذ زمن بعيد
حتى كلمة الحرب بقيت أقولها وأنا خايفة الناس تفهمها غلط...
المهم انى متفائلة لأنى عرفت ان فى على الأقل اكتر من واحد بيتمنّى ولو مجرد أمنية صادقة...أنه يحرر ناس مظلومة...
يا رب باتمنّى ان انا و كل الناس اللى بحبها نشارك او على الأقل نساعد فى التحرير...
Post a Comment
<< Home